Շատ կարևոր տեղեկություն Հայաստանից Ռուսաստան մեկնող ՀՀ քաղաքացիների համար. Այսուհետ…

Flyone Armenia ընկերությունը հայտնել է դեկտեմբերի քսանից մինչև հունվարի երեսունմեկը Երևանից Ռուսաստանի Դաշնություն նախատեսված չվերթները։ Ավիաընկերությունն այս մասին հայտարարություն է տարածել. «Հարգելի հայրենակիցներ, սիրելի ուղևորներ, Flyone Armenia ընկերությունը հայտնում է,

որ ընկերությունից անկախ հանգամանքների ի հայտ գալու (այդ թվում, ռուսական պատկան մարմինների՝ կորոնավիրուսի համաճարակին հակազդելու մտահոգությունների հետ կապված) պատճառներով, ընկերությունը ստիպված է եղել չեղարկելու բացառապես Երևանից Ռուսաստանի Դաշնություն դեկտեմբերի քսանից մինչև հունվարի երեսունմեկը նախատեսված չվերթները։ Ավիաընկերությունը

կապահովի դեկտեմբերի 17-ից դեկտեմբերի 19 նախատեսված բոլոր չվերթների բոլոր ուղևորների արագ եւ անվտանգ տեղափոխման հնարավորությունը նշանակման վայրեր, այնպես ինչպես արդեն իսկ ապահովել է նախկին չվերթների բոլոր ուղևորների տեղափոխումը։ Ընկերությունը չեղարկված չվերթների բոլոր ուղևորներին առաջարկվում է գումարի ամբողջական վերադարձ

կամ գումարի փոխանցում ուղևորի անունով Flyone Armenia ընկերության առցանց միջավայրի վիրտուալ դրամապանակում՝ տոմսի գումարի 120%-ի չափով: Եթե տոմսը ձեռք է բերվել ճամփորդական գործակալության միջոցով, ընկերությունը խնդրում է դիմել գործակալություն՝ տոմսի վերադարձի կամ ժամկետների փոփոխության համար։ Մեր աշխատակիցները

շարունակելու են մշտական ու անհատական կապի մեջ մնալ դեպի ՌԴ բոլոր չվերթների ուղևորների հետ՝ առաջացող ցանկացած խնդրի արագ եւ ժամանակին լուծում տալու ուղղությամբ։ Ընկերության ուղևորների սպասարկման ծառայությունը հասանելի կլինի ուժեղացված ռեժիմով։ Տեղեկացնում ենք, որ մյուս ուղղություններով ընկերության չվերթները

կատարվելու են նախօրոք հայտարարված ժամանակացույցով։ Flyone Armenia ընկերությունը հայցում է մեր ուղևորների ներողամտությունը առաջացած անհարմարությունների համար եւ հայտնում, որ ներդնում ու ներդնելու է բոլոր ջանքերը հնարավորինս սեղմ ժամկետում առկա խնդիրները հաղթահարելու ուղղությամբ»։

Оставьте комментарий